סְּפָרִים
ታሪኩን ተከትለው የሚመጡ ቤተሰባዊ ተግባራት፡-

በቤትና በመዋእለ ህጻናት "ቋንቋ" ይለያያል
ታሪኩ ልጆችን ካለፈው አስደሳች ጊዜ ጋር እንዲጋለጡ ስለሚያደርጋቸው ስለ ስሜቶችና ሁኔታዎች ከዕለት ተዕለት ሕይወት ጋር እንዲወያዩ ይጋብዛል። ከልጆችዎ ጋር መነጋገርና መጠያየቅ ይችላሉ፦ ባሮን ሮትሺልድ ከመጎበኘቱ በፊት በነበረው ምሽት ሚልካ ለምን ፈራች ለምንስ ታመነታ ነበር? ስላደረገችው ውሳኔ ምን ታስባላችሁ? በመዋእለ ህፃናታችሁ ውስጥ ከቤት ውስጥ የተለዩ ህጎች አሉ? ለምሳሌ ምን ምን ደንቦች?

በዕብራይሥጥ ምንድን ነው የሚባለው?
ሃንቶኽ? ፖስታ? መምህር ዩዲሎቪች ለጓደኛው የላካቸውን ቃላት በመጠቀም ገጹን ደጋግመው ይንብቡ። ቃላቱን ለመጥራትና ወደ ዓረፍተ ነገሮች እንኳን ሳይቀር ለማጣመር ይሞክሩ:- “ሃንቶኹን ልታስተላልፍልኝ ትችላለህ?” እንዲሁም በጋራ ማሰብ ይችላሉ – በየቀኑ ምን ምን ዓይነት የባዕድ ቃላትን እናጣምራለን? የዕብራይሥጥ አቻቸውስ ምንድናቸው? አዲስ የዕብራይሥጥ ቃላትን አንድ ላይ ለመፍጠር መሞከር ይችላሉ።

አህያውን መፈለግ
በእያንዳንዱ ምሥል ላይ የሚገኘውን ግራጫ አህያ አስተውለዋል? በመጽሐፉ ውስጥ ያሉት ምሥሎች በዝርዝር፣ በቀለምና በፅሁፍ የተሞሉ ናቸው – በገጾቹ መካከል መቆየት፣ ምሥሎችን መመልከት፣ የሚስቡዎትን ነገሮች ማግኘትና ከታሪኩ ጋር የተያያዘውን ትንሽ አህያ መፈለግ ይችላሉ።
QR ኮድ
ሚልካ የሚለው ቃል በዕብራይሥጥ እንዴት እንደሚሰማ ማድመጥ ይፈልጋሉ? ኮዱን ስካን ያድርጉና ታሪኩን በፒጃማ ቤተ መፃህፍት ማድመጫ ላይ መስማት ይችላሉ።
ውይይት - መምረጥና ማዋል
ስለ ሲሪልና ጦብያ ምርጫ መወያየት ተገቢ ነው- በእርስዎ አስተያየት ለምን ሁሉንም ወርቅ ላለመጠቀም የመረጡ ይመስልዎታል? አስገርሞዎታል? በእርስዎ አስተያየት ለምን ወርቁን በትምህርት ላይ ለማዋል መረጡ?
ስዕላዊ መግለጫዎች– ፍየሏ የት አለች?
ፍየሏ በሙሉ ታሪኩ ውስጥ ከሲሪልና ጦብያ ጋር አብራ ትሄዳለች። በመጽሐፉ ስዕላዊ መግለጫዎች ውስጥ ፍየሏን መፈለግ ይችላሉ፦ ምን እየሰራች ነው? ከቤተሰብ ጋር ያላት ግንኙነት ምን ይመስላል? ከፍየሏ እይታ አንጻር ታሪኩን ለመናገር ይሞክሩ – በመጽሃፉ ውስጥ ምን ይገጥማታል?
ጨዋታ– ሃብቱን መፈለግ
ለቤተሰብ አባላት መስጠት የሚፈልጓቸውን ትንንሽ ስጦታዎች ይሰብስቡ፦ ስዕል፣ ቡራኬ ወይም እቃ። በተራው መሰረት ከቤቱ አባላት አንዱ የራሱን ስጦታ ይደብቃል። ሌሎች የቤተሰቡ አባላትም ሀብቱን በምልክቶች ይፈልጉታል፡- “ቅርብ-ሩቅ”፣ “ትኩስ-ቀዝቃዛ” ወይም በቤቱ ዙሪያ የተበታተኑ ቀስቶች።
ታሪኩን መስማት
ታሪኩን መስማት
የQR ኮዱን ስካን ማድረግ ወደ ታሪኩ ማጀቢያ ይመራዎታል። አብረው በቤት ውስጥ፣ በጉዞ ላይ ወይም በማንኛውም በሚመርጡት ቦታና ጊዜ ማዳመጥ ይችላሉ።