סִפְרֵי הַחֹדֶשׁ
קְרִיאָה
የከዋክብቱ ዛፍ
שִׂיחָה
יְצִירָה
חֵקֶר
שֵׁמַע
הַשְׁרָאָה
ዛፎቹ ምን ያደርጋሉ
ዓናት በተለየ የምትወደው ታሪክ
מִשְׂחָק
አንድ የፈካ ጠዋት
כְּלָלִי
ትንሽ ልጅ ወደ መዋእለ ሕጻናት ሄደ
שִׁלּוּב הַסֵּפֶר
הַעֲשָׁרָה
סִרְטוֹנִים
እኔና ሁሉም ዓይነት እንስሳት
קִשּׁוּר
የሜዳ አህያዋ ፒጃማ የምትለብሰው ለምንድን ነው
የድብብቆሽ ጨዋታ
ጥንቸል በባቡር ላይ ተቀምጣለች
ቀበሮው ሰላምን ያበስራል
መሳል እወዳለሁ
አጎቴ ሲምሓ
לָצֵאת הַחוּצָה
ስሜ ዮዮ ይባላል
ስለ ድንክዬዎች፣ እንጉዳዮችና ሌሎችም መጽሐፍ
እኔ መፈለግ እወዳለሁ
ኤሊክ ቤሊክ
ወዴት? ወደ መዋዕለ ህፃናት!
הַמְחָשָׁה
አጋዘኖቹ ምንያደርጋሉ?
ኢታማር ከጥንቸል ጋር ተገናኘ
የዮ-ዮ እለተ ዓርብ
בִּשּׁוּל
ምስል
ቀለል ባሉና በግጥማዊ ታሪኮች ውስጥ እንኳን ጠቃሚና ትርጉም ያለው መልእክት ሊኖር ይችላል። መጽሐፉን ለውይይት ይጠቀሙበት። አስተያየትዎን በመግለጽ እንደ “በተመሳሳይ ጉዳይ ላይ ምን ይሰማዎታል ብለው ያስባሉ?” የሚሉ ጥያቄዎችን ይጠይቁ።
አያት ከኮከቦቹ ጋር በመመለሱ ደስተኛ ሲሆን ውድ ሀብት ብሎ በማሰብ ከገንዘብ የበለጠ ዋጋ እንዳላቸው ያስባል። ታሪኩን ተከትሎ ከልጆችዎ ጋር “ደስ የሚያሰኝዎትና በገንዘብ የማይገዙት?” ላይ ልጆችዎትን ይጠይቁ። ስዕል ይሳሉ? የመኝታ ታሪክ ጊዜ? ምናልባት ጥሩ የጠዋት እቅፍ ሊሆን ይችላል? እናንተ ወላጆች ማጋራት የምትችሉት – ሀብታችሁ ምንድን ነው?
የራስዎ ምናባዊ ዛፍ ቢኖራችሁ – በእርሱ ላይ ምን ይበቅላል? ልቦች? ፊኛዎች? ምናልባትስ ኮከቦች? ያሰቡትን ቅርጽ መሳልና መቁረጥ፣ ማስጌጥና በውስጡም ምኞትን ወይም የጋራ ትውስታዎችን መፃፍ ይችላሉ። ውጤቱ በአበባ ማስቀመጫ፣ በቅርንጫፍ ላይ ወይም በቤትዎ አቅራቢያ ባለው ዛፍ ላይ ሊሰቀል ይችላል።
እውነተኛ የኮከብ ዛፍ ላያገኙ ይችላሉ፣ ነገር ግን ሁልጊዜ ምሽት ላይ የእግር ጉዞ ለማድረግና በሰማይ ላይ የሚያበሩትን የከዋክብትን እይታ ማድነቅ ይችላሉ። መጽሐፉን ከእርስዎ ጋር ወስደህ በከዋክብት ስር አንድ ላይ ማንበብ ትችላለህ
ገጣሚ ላይብ ሞርገንቶይ 1905-1979 በፖላንድ በፒንስክ ከተማ የተወለደ ግጥሙን በዪዲሽ ቋንቋ በ1938 ደርሷል።በዮራም ታሄር ሌቭ ተተርጉሞ በኑሪት ሂርሽ የተቀናበረው በሐቫ ኤልበርትስታይን በ1969 ታትሟል።
ኮዱን ስካን ያድርጉና መዝሙሩን ያዳምጡ፡-
ለተጨማሪ ስራዎች፣ መዝሙሮችና እንቅስቃሴዎች በፒጃማ ቤተ መጻህፍት ላይ
በሥዕል የተደገፈ መጽሐፍ የሚሆን የተቀናበረ ግጥም አንባቢዎች በተለየ መንገድ እንዲለማመዱት፣ እንዲረዱት ወይም እንዲያውቁት ዕድል ይሰጣል። ስለዚህ ይህንን ዓይነት መጽሐፍ ለመጀመሪያ ጊዜ ስታነቡ “መጽሐፉን ለመዘመር” መሞከር የለብዎትም ነገር ግን ለሁሉም ነገር እንደ ታሪክ ሆኖ ያንብቡት።
ዓይን ሂሌል (1926-1990) ድንቅ የህፃናት መጽሃፍ ደራሲና ገጣሚ ተወልዶ ያደገው በኪቡዝ ሚሽማር ሀዔሜክ ነው። በሙያው የመዋእለ ህጻናት አርክቴክት ነበር። ነገር ግን ለትንንሽና ትልልቆች መዝሙሮችን መጻፍ ከሁሉም በላይ ይወድ ነበር። በእሥራኤል ውስጥ ካሉት አንጋፋ ሠዐሊዎች አንዱ የሆነው ዳቪድ ፖሎንስኪ ለፊልሞች አኒሜሽን ፈጥሯል፣ በብዙ ኤግዚቢሽኖች ላይ አሳይቷል፣ ሽልማቶችንና ዓለም አቀፍ እውቅና አግኝቷል።
ጥያቄዎች ውይይትንና ሀሳብን ያበረታታሉ። በመጽሐፉ ውስጥ ያሉትን ምሳሌዎች መመልከትና መጠየቅ ይችላሉ፦ ልጁ በእያንዳንዱ ገጽ ላይ ምን ያደርጋል? የመጽሐፉን መጀመሪያ እንዴት ይመለከታል? መጨረሻውንስ? በምስሎች ተመስጦ ካለፉት ጊዜያት ፎቶዎችዎን አንድ ላይ ማየት ይችላሉ። ከዚያን ጊዜ ጀምሮ እንዴት እንዳደጉ ይመልከቱና ጥያቄዎችን ይጠይቁ – የአንድ ዓመት ልጅ ሳለሁ ምን አደረግሁ? አሁንስ ምን አደርጋለሁ? ከዚያን ጊዜ ጀምሮ ምን አገኘሁ እና ተማርኩ?
የልብስ ማጠቢያ ማሽን ምን ያደርጋል? ጣሪያውስ ምን ያደርጋል? ታሪኩን ተከትለው በቤት ውስጥና ከቤት ውጭ በመራመድ በዙሪያዎ ስላዩዋቸው ነገሮች መጠየቅ ይችላሉ “ምን እያደረጉ ነው?”
መጽሐፉ የተለያዩና አዝናኝ መልሶች ያላቸው ብዙ ጥያቄዎች አሉት። መጽሐፉ በጥልቀት እንዲያጤኑና አብረው እንዲመረምሩ ይጋብዝዎታል። ልጆችዎን መጠየቅ ይችላሉ – ዛፎቹ ሌላ ምን ያደርጋሉ? ደመናዎችስ ሌላ ምን ያደርጋሉ? እንዲሁም የራስዎን የጥያቄና መልስ መጽሐፍ በመያዝ በጋራ መስራት ይችላሉ። ይጻፏቸውና ይሳሉዋቸው እና ሌላ ጥያቄ በተነሳ ቁጥር ወደ ታሪኩ ጨምረው መልሱን መፈለግ ይችላሉ።
በጣም የታወቀውና የተወደደው የዓይን ሂሌል መዝሙር የተቀናበረው በኑኃሚን ሼሜር ሲሆን ቀድሞውኑ የእስራኤል ክላሲክ ሊሆን ችሏል። ለማዳመጥ ኮዱን ስካን ያድርጉ።
ተጨማሪ ስራዎች፣ መዝሙሮችና እንቅስቃሴዎች በፒጃማ ቤተ መጻህፍት ፒንተረስት ላይ ይገኛሉ።
ሹምዲ ለአንበሳው ኤሪክ “እንስሳትን ስለምትኮርጅ እራስህን እንዴት መምሰል እንዳለብህ አታውቅም” ይለዋል። እያንዳንዳችሁ ውስጥ ስላለ ልዩ ነገር መወያየት ትችላላችሁ፦ ድምጽ፣ የሰውነት እንቅስቃሴዎች፣ የትርፍ ጊዜ ማሳለፊያዎች፣ ተወዳጅ ምግቦች – እና ሌላስ?
ልክ እንደ ሹምዲና ኤሪክ እናንተም በተራ የእንስሳትን ድምጽ ማሰማት ትችላላችሁ። በእያንዳንዱ ጊዜም የቤተሰቡ አባላት እናንተ ማንን እንዳስመሰላችሁ ለመገመት ይሞክራሉ። በተጨማሪም የመሳሪያዎችን፣ የዝናብን፣ የነፋስን ወይም የተሽከርካሪዎችን ድምፆች መጨመርና ማሰማት ይቻላል። ድምጻችሁን መቅዳት፣ በእያንዳንዱ ጊዜ የተለየ ድምጽ መስማትና የትኛው የቤተሰብ አባል እንዳሰማ ለመገመት መሞከር ትችላላችሁ።
ኤሪክ፣ ሹምዲና የተቀሩት እንዴት እንደሚሰማሙ መስማት ትፈልጋላችሁ? – ኮዱን ስካን በማድረግ ታሪኩን አዳምጡ።
ግጥሞች፣ ስራዎችና ሌሎች አስገራሚ ነገሮች በፒጃማ ቤተ መጻህፍት ፒንተረስት ላይ
ዓናት በተለይ የጥንቸሉን ሹምዲን ታሪኮች ትወዳለች። የምትወዷቸው ታሪኮች የትኞቹ ናቸው? ልጆቹ በህጻንነታቸው የወደዷቸውን ታሪኮችና በቅርብ ጊዜ ያላነበባችኋቸውን ተወዳጅ ታሪኮችን መፈለግና ማስታወስ አንድ ላይ በመሰብሰብ የምትወዱትን ታሪክ እንደገና ለማንበብ በምትፈልጉበት ጊዜ ሁሉ።
“ብዙዎቹ ለታዳጊ ህፃናት የሚዘጋጁ መጻህፍት ታሪኩን እንዲከታተሉና ንባብን እንዲቀላቀሉ የሚረዳቸው ተደጋጋሚ ዓረፍተ ነገር አላቸው። ታሪኩን በሚያነቡበት ጊዜ የሚደጋገሙትን ዓረፍተ ነገር ለማጉላት በልዩ ድምጽ ማንበብ፣ የእጅ እንቅስቃሴዎችን መጨመር ወይም የንባብ ዘይቤን መቀየር ትችላላችሁ። የተለመደው ዓረፍተ ነገር ወደ እነርሱ ሲመጣ ታዳጊዎቹ ከእናንተ ጋር በመገናኘታቸው ደስተኞች ይሆናሉ። ኦራ አያል (1946-2011) – የልጆች ሠዓሊትና ደራሲት ናት። የሚርያም ሩት የታወቁትን መጽሃፎችንና እራሷ የደረሰቻቸውን ማለትም፦ ‘ብቻዋን የሆነቺው ልጃገረድ’፣ ‘አንድ ጨለማ ምሽት’ና ሌሎችንም ጨምሮ ከ70 በላይ የህፃናት መጽሃፎችን ምስል አዘጋጅታለች። “
ጉብኝቶች የታዳጊ ሕፃናት ዓለም ጉልህ ክፍል ናቸው። ዘመዶቻችንንና ጓደኞችን ለመጠየቅ እንሄዳለን። አንዳንድ ጊዜም እኛን ሊጠይቁን ይመጣሉ። መወያየትና መጠየቅ የምትችሉት፦ ማንን ለመጎብኘት ሄድን? በጉብኝቱ ወቅት ምን አደረግን? ወደ ቤታችን ማንን እንጋብዛለን?
በእያንዳንዱ ገጽ መጨረሻ ላይ በሚቀጥለው ገጽ ላይ ስለምናገኘው ነገር የሚጠቅስ ምስል አለ። ገጹን ከመግለጣችሁ በፊት የተገለጸውን ፍንጭ መመልከትና በሚቀጥለው ገጽ ላይ ማን እንደሚጠብቃችሁ መገመት ትችላላችሁ። እንዲሁም በእውነተኛ እቃዎች መጫወት ትችላላልችሁ – አንድን ነገር ከሞላ ጎደል በመሸፈን ታዳጊዎቹን ከሽፋን ስር ምን እንደተደበቀ መጠየቅ – የቴዲ ድብ፣ ኮፍያ ወይስ ምናልባት ትንሽ ቦርሳ?
የመጽሐፉ የመጨረሻ ገጽ ብዙ ሥዕላዊ መግለጫዎች ያሉት በራሱ ታሪክ የሆነ ነው። በታሪኩ ውስጥ ያገኛችሁትን ምስል መፈለግ ትችላላችሁ -ውሻ፣ ሴት ልጅ፣ ኮፍያ ወይስ አበባ። እንዲሁም በአያት ቤት ውስጥ ያሉትን ነገሮች ለመለየት መሞከርና በስም መጥራት ትችላላችሁ፦ ማፍያው የት ነው? ግድግዳው ላይ የተንጠለጠለው ምንድን ነው?
ተጨማሪ አስገራሚና የሚመከሩ ልዩ ነገሮችን በፒጃማ ቤተ መፃህፍት ፒንተረስት ላይ ታገኛላችሁ።
ከትንሽነታቸው ጀምሮ መጻህፍትን ማንበብ ለጨቅላ ሕፃናት እድገት ትልቅ አስተዋጽኦ ያደርጋል። በዝግታና ቀስ በቀስ ማንበብ መጀመር ይመከራል። መጀመሪያ ላይ ታዳጊው በራሱ መንገድ ከመጽሐፉ ጋር መገናኘት ይችላል፦ ይዳስሰዋል፣ ይከፍተዋል ይዘጋዋል፣ ምስሎችን ይመለከትና ለማወቅ ይጓጓል። ከዚያ ማንበብ ይችላሉ፦ በየቀኑ ትንሽ፣ በትዕግስትና በእርጋታ ማንበብ። አንድ ገጽ ብቻ ማንበብ የሚመርጡ ታዳጊዎች አሉ፣ ማዎቅ፣ ማለማመድና እነሆ – መጽሐፉ ጓደኛ ሆኗል!
ትኩረት የምንሰጥ ከሆነ አስደሳች ግኝቶችን ማግኘት ይቻላል። በመንገድ ላይ ስለሚያዩት ነገር፣ በእግር ወይም መኪና ሲነዱ ማውራት ይችላሉ። “ቀይ መኪና ይኸውና!” “ደመና አያለሁ አንተስ ምን ታያለህ?” እንዲሁም ከታዳጊዎች ጋር መካፈልና ልምዶችን መለዋወጥ ይችላሉ፦ “ወደ ሥራ መንገድ ላይ አንዲት ሴት ከውሻ ጋር ስትራመድ አየሁ ዛሬ ወደ ሕጻናት ማቆያው ወይም ከእርሱ ስትመለስ ምን አየህ?”
በመጽሃፉ ውስጥ እንዳለው ልጅ, ታዳጊዎችም እንዲሁ መደበኛ አሰራርን የሚፈጥሩ የአምልኮ ሥርዓቶች ይወዳሉ, የሚያረጋጉ እና ቀኑን በጥሩ ስሜት እና ደስታ እንዲጀምሩ ይረዷቸዋል. ጠዋት ላይ የእራስዎን ትንሽ የጠዋት ሥነ ሥርዓት ማካሄድ ይችላሉ – ለምሳሌ, ታዳጊው ለተወዳጅ ቴዲ ድብ እንዲሰናበት ማበረታታት ይችላሉ: “ዱቢ, ቴዲ, ወደ ኪንደርጋርተን እሄዳለሁ, ሰላም!” እና እርስዎ, ወላጆች, በድብ ስም መልስ ይሰጣሉ: “ሰላም, ሰላም እና በረከት! እና የተሳካ መንገድ!”
በመጽሐፉ ውስጥ ብዙ እንስሳት ይታያሉ። አንድ ላይ ሆነው እነርሱን በመመልከት ስማቸውን መጥቀስ፣ የእንስሳትን ድምፅ ማሰማት ወይም እንቅስቃሴያቸውን ማስመሰል ትችላካችሁ። እንደ ዶሮ መጮህ፣ እንደ ጥንቸል መዝለል ወይም እንደ ፈረስ መጋለብና መጮህ ይችላሉ። እንዲሁም በመጨረሻው ገጽ ላይ ያሉትን ምስሎች በመመልከት በእያንዳንዱ ጊዜ ከእንስሳቱ ውስጥ አንዱን በመደበቅ የሚሰማውን ድምጽ በማሰማት ወይም እንቅስቃሴውን በማስመሰል ታዳጊው የትኛው እንስሳ እንደሆነ እንዲገምት መጠየቅ ይችላሉ።
ተጨማሪ የፒጃማ ቤተ መፃህፍት ፒንተረስት ስራዎች፣ መዝሙሮችና ተግባራት
የQR ኮድን ስካን ያድርጉና መጽሃፎቹ ለታዳጊ ህፃናት እድገት ያላቸውን አስተዋፅዖ ማወቅ ይችላሉ።
የግጥም መጽሐፍን በሚያነቡበት ጊዜ በአንድ ጊዜ አንድ ግጥም ላይ በማተኮር ብዙ ጊዜ ማንበብ ወይም ዜማ ካለው መዝፈን ይችላሉ። ምስሎችን አንድ ላይ በመመልከት የታዳጊው ወይም የታዳጊዋ ትኩረት የሚሳብበትን ቦታ ማየት ጠቃሚ ነው። ከጊዜ ወደ ጊዜ ከመጽሐፉ ውስጥ ሌላ ግጥም በማጣመር ምን አይነት ምላሾች እንደሚያስነሳ ብሎም አስደሳችና ትኩረት የሚስብ መሆኑን ማየት ይችላሉ።
በመጽሐፉ ውስጥ የተለያዩ እንስሳትን ያገኛሉ። አንዳንዶቹ ለታዳጊ ህፃናት የተለመዱ ሲሆኑ አንዳንዶቹ አዲስና አስደሳች ናቸው። በአቅራቢያዎ ካለው እንስሳ ጋር ሲገናኙ የታዳጊዎቹን ትኩረት ወደ እንስሳው ልዩ ነገር መምራት ይችላሉ – “ወፉ ምንቃር አለው”፣ “ጉንዳኖቹ በሕብረት ይሄዳሉ” ወይም “ቀንድ አውጣው በጀርባው ላይ ቤት አለው”።
የግጥም መጽሐፍን እንዴት እናነባለን?
ዘፈኑን በእንቅስቃሴዎች ማጀብ ይችላሉ። ለምሳሌ፦ “ደስ የሚል ቢራቢሮ ሆይ ወደ እኔ ና” በሚለው ዘፈን ውስጥ ቢራቢሮውን በእንቅስቃሴ “ና” በማለት መጋበዝ ትችላላችሁ። በእጆችዎ መብረርና የታዳጊውን መዳፍ መንካት። በሳቅ ለሚፈነዳ ዝንጀሮስ የሚስማማው እንቅስቃሴ ምን አይነት ይሆን? ወይስ መሰላሉን ለሚወጣው ድብ?
የፒጃማ ቤተ መጽሕፍት ፒንተረስት ተጨማሪ ስራዎች፣ ግጥሞችና እንቅስቃሴዎች
“መልካሙ የሰንበት ቀን ጥቂት ቆይቶ ወደ እኛ ይወርዳል” [ሰንበት፣ ሽሙኤል ባስ] የሜዳ አህያዋ ታሪክ ሰንበት ስለሚያመጣው ልዩ ነገር ለመናገር እድል ይሰጣል። ታዳጊዎቹን በሰንበት ቀን ምን ማድረግ እንደሚወዱ መጠየቅና እናንተው ወላጆች የምትወዷቸውን ነገሮች አካፍላቸው።
ሸሚዝ? የዋና ልብስ? ምናልባት ቀሚስ? – ወደ ቁም ሣጥኑ ውስጥ በመመልከት የሚወዷቸውን ልብሶች ይፈልጉና አብዛኛውን ጊዜ መቼ እንደሚለብሷቸው መተረክ ይኖርብዎታል፦ የክረምት ወይስ የበጋ ልብስ፣ የበዓል ዝግጅት ልብስና በተለዬ መልኩ የሚወዱት ልብስ።
የ”የሜዳ አህያዋ ፒጃማ የምትለብሰው ለምንድን ነው?” ስንኞች የተዘጋጁ ሲሆን የልጆች ተወዳጅ ዘፈኖች ናቸው። አብራችሁ ለመዝፈንና ለመደነስ የQR ኮዱን ስካን ማድረግ አለባችሁ።
የሜዳ አህያዋ ጓደኞች በመጽሃፉ ውስጥ በተገለጹት ስዕላዊ መግለጫዎች ውስጥ ይታያሉ፦ አብረው ማሰስ፣ ጓደኞችን ማግኘት፣ የእንስሳትን ስም አንድ ላይ ማለትና እነርሱን መወከል ይችላሉ። በሚቀጥለው ደረጃ የሚታወቀውን እንስሳ ስም መጥቀስና በመጽሐፉ ውስጥ ባሉት ስዕላዊ መግለጫዎች ውስጥ መፈለግ ይችላሉ።
ኑ ድብብቆሽ እንጫወት! ጣቶቻችንን በእጅ መዳፍ ውስጥ መደበቅ፣ አፍንጫችንን ሸፍነን መግለጥ፣ በብርድ ልብስ መደበቅ፣ ከሶፋው ጀርባ መደበቅ ወይም አሻንጉሊትን ከጀርባ መደበቅ እንችላለን።
መጀመሪያ መደበቅ የሚፈልገው ማነው?
ሜያው! ግራጫው ድመት የድብብቆሽ ጨዋታውን ተቀላቅሏል። በእያንዳንዱ ስዕላዊ መግለጫ ላይ እርሱን መፈለግ ይቻላል፤ ጅራቱን እንዳትረግጡ ብቻ ተጠንቀቁ …
ከትንሽነታቸው ጀምሮ መጻሕፍትን ማንበብ ለታዳጊ ህፃናት እድገት ትልቅ አስተዋፅኦ አለው። ነገር ግን በሁሉም አዲስ ነገር ላይ ጥያቄ እንደሚነሳው ሁሉ – መንገዱን እንዴት እናገኘዋለን? የእኛ ሀሳብ በዝግታና ቀስ በቀስ መተዋወቅ ነው – ታዳጊው በራሱ መንገድ ከመጽሐፉ ጋር መገናኘት ይችላል፦ በመንካት፣ በመክፈትና በመዝጋት እና በአፍ ውስጥ እንኳን “መቅመስ” ሳይቀር። ከዚያ ማንበብ ይችላሉ፦ በየቀኑ ትንሽ በትዕግስትና በደስታ እናነባለን። መጀመሪያ ላይ አንድ ገጽ እንኳን ማንበብ፣ መተዋወቅና መለማመድ ይችላሉ። እነሆ – መጽሐፉ ጓደኛ ሆኗል!
הִזְדַּמְּנוּת לִקְרִיאָה, לַחֲוָיָה וְלַהֲנָאָה – למדו עוד על התוכנית!
እነሆ ባሕሩ! ተራራውም! ቢራቢሮም አለ! ታዳጊዎቹ አድገው በሥዕሉ ላይ የሚያውቁትን በጣታቸው መጠቆም ደስ ይላቸዋል። በእያንዳንዱ ገጽ ላይ ቆም ብለው መመልከት፣ መረዳትና ማወቅ ይችላሉ። ታዳጊዎቹ ምን ያውቃሉ? “ጥንቸሉ የት አለ?” ብለው መጠየቅ ይችላሉ። ትንሽ አስቸጋሪ ከሆነም አንድ ላይ መፈለግ ይችላሉ።
ባቡሩ በመጽሃፉ ውስጥ ይጓዛል። በቤትዎም ጉዞውን መቀጠል ይችላሉ፦ በጉልበቶችዎ በመቀመጥ “ቱ ቱ ቱ” በሚለው ጥሪና እንቅስቃሴን በመጨመር ወይም ምንጣፍ ላይ ከአንዳንድ አሻንጉሊቶች ጋር በመሆን። እንዲሁም በመስኮቱ ላይ ሆነው አብረው ማየት ይችላሉ። ውጭ ምን እየተፈጠረ እንዳለ ለማወቅና “የትራፊክ መብራት ይሄውና! ዛፍ ይሄውና! ሌላስ ምን ታያላችሁ?” ለማለት ይቻላል።
ታዳጊዎች በሚያነቡበት ጊዜ በድምፅ ቃና፣ ፊት ላይ በሚነበቡ ስሜቶች፣ ድምፆችና እንቅስቃሴዎች ይማረካሉ፦ እነዚህ ሁሉ ተረቱን እንዲከታተሉ፣ እንዲዝናኑበትና እንዲረዱት ያግዛቸዋል። እራስዎን ለጥቂት ደቂቃዎች ተዋናይ እንዲሆኑ ይፍቀዱ፤ ልዩ ንባብዎን እንዴት እንደሚያደንቁና እንደሚዝናኑ የሚያውቁ ምርጥ ታዳሚዎች አሉዎት።
መወያየትና ማጋራት ይችላሉ- በእርስዎ አስተያየት ብልሁ ማነው? አንድ ሰው በጥበብ ስላደረገው ጉዳይ መተረክ ይችላሉ? ቀበሮው ብልህ ነው ወይስ ዶሮው? ምናልባት ሁለቱም ወይስ ማናቸውም?
ሌቪን ኪፕኒስ በልጅነቱ ምን አደረገ? ከቀልድ [ኮሚክስ] ጋር የነበረው ግንኙነትስ? – የኪው አር ኮዱን ስካን ያድርጉና ቪዲዮውን ይመልከቱ።
ታሪኩን ተከትላችሁ እናንተ፣ ወላጆች፣ አንድ ታሪክ ይናገሩና ተሳታፊዎች በእውነቱ የሆነ ወይም የተፈጠረ ታሪክ እንደሆነ እንዲወስኑ ብሎም ልጆቹ የራሳቸውን ታሪክ እንዲያካፍሉ መጠየቅ ትችላላችሁ። ያልተለመዱ ክስተቶችን እርስ በእርስ ለመለዋወጥ እንዲሁም አብረው ለመሳቅ ይህ እድል ነው።
‘’ራም ኮል’’ የሚለው ስም ስለ ዶሮው ምን ያስተምራል? እርስዎንስ ስለሚለዩ ልዩና ጥሩ ጥራትን የሚያስተምሩ ለራስዎ ምን ስሞችን መፍጠር ይችላሉ? ምናልባት የቤተሰብ አባላት ሊረዱዎት ይችላሉ?
የፒንተረስት አርማ፦ የፒጃማ ቤተ መፃህፍት ፒንተረስት የፈጠራ ስራዎች፣ ዘፈኖችና ሌሎችም።
የግጥም መጽሐፍ ስለ ሴቶችና ወንዶች ልጆች ከተሞክሮ፣ ምናብና ስሜት ዓለም ትንንሽ ታሪኮችን ይነግራል። ግጥሞቹን በቅደም ተከተል ማንበብም ሆነ ሁሉንም ማንበብ አያስፈልግም። በሚያስደንቅ ስዕላዊ መግለጫ፣ በሚስብ ርዕስ መሰረት ወይም እንደ ስሜታችሁ ግጥም መምረጥ ትችላላችሁ። በአንድ ጊዜ አንድ ግጥም ብቻ ማንበብ ወይም እየዘለሉ ማንበብ ይችላሉ። ስለ ዘፈኑ ማውራት አለብዎት፦ ዘፈኑን ወደዱትና ለምን?
በጣም ደስ የሚል – ናሑም ጉትማን የእስራኤልን ሃገር በደማቅ ቀለም የሳለና ለህፃናት ተረት በቃላትና በስዕላዊ መግለጫ የተረከ ነው። ኮዱን ስካን በማድረግ የናሑም ጉትማን መጽሃፎችንና ስዕሎችን ማወቅና በቴል አቪቭ የሚገኘውን የናሑም ጉትማን ሙዚየምን በቨርቹዋል መጎብኘት ይችላሉ።
በእያንዳንዱ ዙር ከቤተሰብ አባላት ውስጥ አንዱ ቃል አልባ ዘፈን መርጦ ለቤተሰቡ ያቀርባል። የተቀረው ቤት ዘፈኑ ምን እንደሆነ ለመገመት ይሞክራል። እንዲሁም ሁሉም ሰው የሚወደውን ዘፈን መምረጥና አንድ ላይ ማቅረብ ወይም ጮክ ብሎ ማንበብ ብሎም በቃላቱ ላይ ተገቢ እንቅስቃሴዎችን ማከል ይችላል።
በመጽሐፉ መጨረሻ ላይ ባሉ ባዶ ገፆች ላይ ሠዓሊው ናሑም ጉትማንና ደራሲዋ ሚራ ሜኢር እንዳደረጉት እርስዎም ሥዕሎቹን በመከተል ታሪኮችን መሳልና መፍጠር ይችላሉ። ምናልባትም በቀጣዮቹ አንድ ላይ ታሪክ መፍጠር ይፈልጋሉ?
ዘፈኖችና ሌሎችም የፒጃማ ቤተ መጻሕፍት ፒንተረስት ላይ
ከንባቡ በኋላ መወያየትና መጠየቅ ይቻላል፡- በእርስዎ አስተያየት የአጎት ስም ለምን ሲምሓ ተባለ? እርሱ ከሚያደርጋቸው ወይም ከሚናገራቸው ነገሮች ምን ምን ፈገግ አስኘዎት?
ታሪክ መስማት ይፈልጋሉ? – የኪው አር ኮዱን ስካን ካደረጉ ስለ አጎቴ ሲምሓ ያለውን ታሪክ ማዳመጥ ይችላሉ። በፈለጉት ጊዜ በጋራ በመሆን ማዳመጥና ማሰስ ይመከራል።
የትኞቹ ዘፈኖች ያስደስቱዎታል? አስደሳች የቤተሰብ አጫዋች ዝርዝር ማዘጋጀትና በጋራ መዝፈን ይችላሉ። እንዲሁም በአስቂኝ ድምፆች መዝፈን ይችላሉ፦ በቀጭን ድምጽ፣ በወፍራም ድምጽ፣ በሹክሹክታና ደስታን የሚያመጡ እንቅስቃሴዎችን በመጨመር።
እያንዳንዱ ተሳታፊ በተራው አንድ ጥያቄ ይጠይቃል፤ ሌሎች ተሳታፊዎችም “ግራ የተጋባ” መልስ ይፈልጋሉ። ለምሳሌ፡- የምትወደው መጠጥ ምንድነው? ሻይ ከስናፍጭ ማንኪያ ጋር! ዝናብ ሲዘንብ ምን ታደርጋለህ? የፀሐይ መከላከያን መቀባት! ወፎች ምን ዓይነት ድምጾች ያወጣሉ? ወደየት መውጣትና መጎብኘት ይመከራል?
ፒንተረስት ዘፈኖችና ሌሎችም የፒጃማ ቤተ መጻሕፍት ፒንተረስት ላይ
ይቅርታ ስምህ ማን ነው? – ስለ ስሞቻችሁ ማውራት ትችላላችሁ – እናንተ ወላጆች በስማችሁ የተጠራችሁት ለምንድነው? ለወንድና ለሴት ልጆችስ የሚጠሩበትን ስም ለምን መረጣችሁ? ቅፅል ስሞች አላችሁ? እንዴት አገኛችኋቸው?
ዮዮ ይዘላል፣ ይቀመጣል፣ ይወጣል… በእያንዳንዱ ሥዕል ዮዮ በተለየ ቦታ ላይ ይታያል። ዮዮን መተወን የምትችሉ ሲሆን የተቀረው ቤተሰብ እናንተ ባቀረባችሁበት መንገድ ዮዮ በመፅሃፉ ላይ የት እንደሚገኝ ይፈልጋል። ተሳካላችሁ? – ወደ ቀጣዩ ተሳታፊ ትወና መሄድ ይቻላል።
አንዳንድ ጊዜ ትደሰታላችሁና አንዳንድ ጊዜ ታዝናላችሁ? – የመጽሐፉ ደራሲዋ ዳቲያ ቤን-ዶር የልጆቹን “እኔ ሁሌም እኔ ሆኜ እቀራለሁ” የሚለውን ዘፈን የጻፈች ሲሆን ዑዚ ሂትማን አቀናብሮታል። የQR ኮዱን ስካን ማድረግና ዘፈኑን መቀላቀል ይችላሉ!
የፈጠራ ቁሳቁሶችን ያዘጋጁ፦ የካርቶን አራት ማዕዘን፣ ቀለሞች፣ ማጣበቂያዎችና ምናልባትም ፕላስቲሲን ይቻላል። ይጻፉና ያስጊጡ፦ በታፔላው መሃል ላይ ስምዎን በመጻፍ፣ በመሳልና በማስጌጥ በክፍሉ መግቢያ ላይ ለመስቀል ጊዜው አሁን ነው! ሌላ ሀሳብ – የእርስዎን ፎቶዎች ፕሪንት በማድረግ በታፔላው ላይ መለጠፍና ስሞቹን መጻፍ ይችላሉ [ምን እንደ ተባለ ግልጽ አይደለም – የእርስዎ ገጸ ባህርያት]
ፒንተረስትዘፈኖችና ሌሎችም የፒጃማ ቤተ መጻሕፍት ፒንተረስት ላይ
ችግር ሲያጋጥማችሁ ምን ታደርጋላችሁ? – እናንተው ወላጆች የገጠማችሁን ችግር ለሴቶችና ወንዶች ልጆች ማጋራት ትችላላችሁ። ምን እንደተሰማችሁ እንደገና ለማጠንጠን ሞክሩ፤ ሊሆኑ ስለሚችሉ መፍትሔዎችም አብራችሁ አስቡ። ከዚያም ችግሩ እንዴት እንደተፈታ ተርኩ።
የተፈለገው መሪ ወይም ሳህን ወይም … ሊሆን ይችላል – ኮዱን ስካን በማድረግ ስለ ፈጠራ ቪዲዮ ማየት ይችላሉ! ከዚያ አንድ ላይ ማሰብዎን ይቀጥላሉ – በጥቅልል ወረቀት ምን ሊደረግ ይችላል? በመሃረብስ? በድንክዬ አሻንጉሊትስ?
ድንክዬዎቹ እንጉዳዮችን በመትከል “የሚያውቋቸውን ሁሉንም ዘፈኖች ዘምረዋል” – እርስዎም የሚወዷቸውን ዘፈኖች አንድ ላይ መዘመር ይችላሉ። ስለ ድንክዬዎቹ፣ ስለ ዝናብ ወይም ስለሚያበረታታዎትና ስለሚያስደስቱዎት ዘፈኖች መዘመር ይችላሉ።
በእያንዳንዱ ዙር ከተሳታፊዎቹ አንዱ በመጽሐፉ ውስጥ የሚታየውን ድንክዬ ሆኖ ይተውናል- ጥላ የያዘውን ድንክዬ፣ እንጉዳይ የሚተክለውን ድንክዬ ወይም በኩሬ ውስጥ የሚዘለውን ድንክዬ። ሌሎቹ ተሳታፊዎች ድንክዬው ምን እየሰራ እንደሆነ መገመትና በመጽሐፉ ገፆች መካከል ማግኘት አለባቸው።
עוד יצירות והשראה מחכים לכם בתיקיית הספר בפינטרסט של ספריית פיג’מה!
መጽሐፉን ተከትሎ ከወላጆች፣ ከወንድ አያት፣ ከሴት አያት ወይም ከሌሎች ዘመዶች ጋር በመሆን የፍለጋ ጉዞ ማድረግ ትችላላችሁ፦ ምን አገኛችሁ? ተገረማችሁ? መፈለግና ማግኘት ትወዳላችሁ?
ለሚፈልጉና ለሚያገኙ የሚሆን የጋራ ጨዋታ! የQR ኮዱን ስካን ያድርጉ በመመሪያዎቹ መሰረት ፕሪንት ያድርጉ፣ ይቁረጡና ይጠፉ። ፈለጉ? አገኙ? እንደገና መጫወት ይፈልጋሉ?
በመጽሐፉ ውስጥ በቀለማት ያሸበረቁና ጥቁርና ነጭ የሆኑ ስዕላዊ መግለጫዎች ይገኛሉ – ስዕሎቹ በጥቁርና ነጭ ሲሆኑ እና ስዕሎቹ በቀለም ያሸበረቁ ሲሆኑ መከታተልና መለየት ይችላሉ?
ጨዋታ – የጠፋው ምንድን ነው?
ብዙ እቃዎችን በተከታታይ ያስቀምጡና በጥንቃቄ ይመልከቱ። በእያንዳንዱ ጊዜ የቤተሰቡ አባላት ዓይኖቻቸውን ይዘጉና ከቤተሰብ አባላት አንዱ አንዱን እቃ ይደብቃል። ከዚያ በኋላ ዓይኖቻቸውን ከፍተው ይፈልጋሉ – የትኛው እቃ ጠፋ? የት ነው የደበቁት?
እኔ እንቁራሪት እመስላለሁ ነገር ግን በጣም ትንሽ ነኝ፤ የምኖረው በእስራኤል ነው፣ በዋናነት በዛፎች ላይ፣ የምበላው ነፍሳትን ሲሆን በውሃ ውስጥ እንቁላል እጥላለሁ።
ዛሬ እኔ ጥበቃ የሚደረግልኝ እንስሳ ነኝ ስለዚህም እኔ በተፈጥሮ ብቻ እንጂ በማሰሮ ውስጥ አላድግም።
פינטרסט משחקים, שירים והשראה ליצירה מחכים לכם בתיקיית הספר בפינטרסט של ספריית פיג’מה.
አባዬ ትልቅ ጫማ አለው፣ የእማዬ ጫማ – ትልቅ አይደለም፣ ያኤሊ ትንሽ ጫማ አላት፣ እና የኤሊክ ቤሊክስ? ጥቃቅን ጫማዎች! በቤቱ ውስጥ በሙሉ ጉዞ ይሂዱ፣ ተመሳሳይ አይነት እቃዎችን ይሰብስቡ እና ከትንሽ እስከ ትልቁ ያዘጋጁዋቸው።
Pinterest – እደ-ጥበቦች፣ መዝሙሮች እና ሌሎች ተግባራት በ “ኢሊክ ቤሊክ (Elik Belik)” በሚለው መጽሐፍ ገጽ ላይ በሲፍሪያት ፒጃማ ውስጥ በ Pinterest ላይ
እንዲሁም ቤትዎን የሚጎበኙ ትናንሽ ጓደኞች አሉዎት? ምናባዊ ጓደኞች ናቸው፣ ወይም ምናልባት ተወዳጅ አሻንጉሊት? ከታዳጊዎች ጋር ስለ ጉዳዩ ማውራት እና ከትንሽ ጓደኛው ጋር ምን ማድረግ እንደሚወዱ መስማት ጠቃሚ ነው። ታሪኩን ለመቀላቀል እና ለማንበብ ትንሹን ጓደኛውን “ማምጣት” ይችላሉ።
ታሪኩ ከወትሮው ትንሽ ረዘም ያለ ነው፣ እናም ፍላጎትን እና የማወቅ ጉጉትን ለመቀስቀስ በተለያዩ ድምጾች መንገር ይመከራል፦ በአባ ድምጽ፣ በያኤሊ ድምጽ እና የተለየ በእማማ እና በኤሊክ ቤሊክ ድምጽ። ስዕላዊ ማብራሪያዎችን አንድ ላይ ማየት እና ታዳጊዎች ዝርዝሮችን በመለየት ላይ እንዲሳተፉ እና “ኤሊክ ቤሊክ (Elik Belik)” የሚሉትን ቃላት እንዲግሙ መጋበዝ ይችላሉ።
አሻንጉሊቱ የት አለ? ጠረጴዛው ላይ? ምናልባት ከእርሱ ስር? እና ኳሱ የት አለ? የተለያዩ ነገሮችን መደበቅ፣ እነርሱን መፈለግ እና ከዚያ የሚከተሉትን ማለት ይችላሉ፦ “ኳሱ ወንበር ላይ ነው”፣ “ኳሱ በአልጋው ስር ነው”። እንዲሁም ራስዎን መደበቅ እና እርስ በርስ መፈላለግ ትችላላችሁ።
ታዳጊው የሚደጋገመውን ዓረፍተ ነገር ያጠናቅቀው፦ “ወዴት፣ ወዴት? ወደ መዋዕለ ህፃናት!” እንቅስቃሴዎችን መጨመር፣ ማጨብጨብ ወይም የሙዚቃ መሳሪያዎችን መጠቀም ይችላሉ።
ተደጋጋሚ የጠዋት ድርጊቶች ታዳጊዎች ቀኑን በጥሩ ሁኔታ እንዲጀምሩ ይረዳቸዋል፦ ልብሱን አብሮ ማዘጋጀት፣ አስደሳች መዝሙር መዘመር፣ በመንገድ ላይ ቅጠሎችን ወይም ቀንበጦችን መሰብሰብ፣ ወይም ቋሚ በሆነ የሚያበረታታ ሰላምታ ቻዎ ማለት።
አንድ ላይ ይመልከቱና ታዳጊው እንዲያገኝ ያድርጉ፦ ወፏ የት አለች? በተጨማሪ ገጾች ላይ ነውን? ልጁን ወደ መዋዕለ ህፃናት የሚሸኘው ማነው? ወደ መዋዕለ ህፃናት እንዴት እንሄዳለን – በብስክሌት፣ በእግር ወይም በሌላ መንገድ? ኮፍያ የሚለብሰው ማን ነው እና ውሻው የት አለ? የመጨረሻውን ገጽ ይመልከቱ እና ይጠይቁ፦ “በመዋዕለ ሕፃናት ውስጥ ያሉ ልጆች ምን እያደረጉ ነው? በመዋዕለ ሕፃናት ውስጥ ምን ማድረግ ትወዳለህ/ትወጃለሽ?
ይጠይቁ፦ ወዴት፣ ወዴት? እና በእያንዳንዱ ጊዜ የተለየ ቦታ ይምረጡ፦ ወደ… መታጠቢያው፣ በረንዳው ወይም ወደ… የመጫወቻ ስፍራው? ወደ መረጡት ቦታ አብራችሁ ሂዱ፣ እርስ በርሳችሁ ተቃቀፉ እና ከዚያም ጮክ ብላችሁ ተናገሩ፦ ወዴት? ወዴት? ወደ… የሚቀጥለው ቦታ!
Pinterest – የእጅ ሥራዎች፣ ዘፈኖች እና እንቅስቃሴዎች በ Sifriyat Pijama ገጽ ላይ በ Pinterest ላይ በ “ወዴት? ወደ መዋዕለ ህፃናት! (Where To? To Kindergarten!)” ላይ
የግጥም መጽሐፍ ማንበብ አጋዘኖቹ በሌሊት ምን ያደርጋሉ? የግጥም መጽሐፍስ እንዴት ይነበባል? የልያ ጎልድበርግ መጽሐፍ በግጥሞች የበለፀገ ሲሆን እያንዳንዱ በራሱ ትንሽ ዓለም ነው። ግጥሞቹን ገጹን በማገላበጥ ማሰስ ትችላላችሁ፤ በምስሉ መሰረት ግጥም መምረጥ፣ እንደየግል ትውውቅና ጣዕም ወይም በሚያስደንቀው ርዕስ መሰረት። ግጥሙን አብራችሁ አንብባችሁ ተነጋገሩ፦ ግጥሙን ወደዳችሁት? ምኑን ወደዳችሁት? ከጊዜ ወደ ጊዜ ወደ ተወዳጅ ዘፈኖች መመለስ ይመከራል። በስራዎቹም በጋራ ዘና ማለት።
በመጽሃፉ ውስጥ ያሉት አንዳንድ ግጥሞች የተቀናበሩ ናቸው። በሚድያ ጣቢያዎች ማግኘትና ማዳመጥ ይችላሉ። እንዲሁም አብረው መዝፈን፣ በእውነተኛ ወይም የተሻሻሉ መሳሪያዎች መጫወትና ዘፈኑን በተገቢው የእጅ እንቅስቃሴዎች ማጀብ ይችላሉ። በሚወዱት ዘፈን ላይ ተወዳጅ ዜማ ማከል ይችላሉ።
በመጽሐፉ ውስጥ ያሉት ሥዕላዊ መግለጫዎች በአምስት የተለያዩ ሠዓሊያን ተስለዋል (ምናልባት ስሞቹና ሥዕሎቹ የሚታዩበትን ገጽ ይጻፉ?)። መጽሐፉን በማገላበጥ የተለያዩ ሥዕሎችን ፈልጉ፤ በግጥሙም ውስጥ ምን እንደሚጨመር ወይም እንደሚያጎላው ለመገመት ሞክሩ? በመጽሐፉ ውስጥ ያሉት ሥዕላዊ መግለጫዎች በአረንጓዴ፣ በነጭና በፈዛዛ ቀይ ተስለዋል። በሁለት ቀለሞችና በነጭ ገጽ ላይ ለመሳል በመሞከር የሁለት ቀለሞች የጋራ ሥዕል መፍጠር ይቻላል፦ ያዋሕዷቸው፣ ካሬዎችንና መስመሮችን ይፍጠሩ፤ በመጽሐፉም ውስጥ በተገለጹት ምሳሌዎች መነሳሳት ይቻላል።
ኩሬ? ብርሃንና ጥላ? ምናልባትስ ጨረቃ ወይም ወፍ? ግጥሞቹን ተከትላችሁ ካሜራ በመውሰድ ፎቶ ለማንሳት መውጣት ትችላላችሁ። ፎቶዎቹን ወደ መጽሐፍ ወይም ወደ ቤተሰብ ኤግዚቢሽን መጨመር፤ ፎቶዎችንና ግጥሞቹን ለዘመድ አዝማድ መላክ ይቻላል።
ሥዕል፣ ግጥምና ጨዋታ በፒጃማ ቤተ መፃህፍት ፒንተረስት ውስጥ ባለው የመፅሃፍ ገጽ ላይ
በዚህ መጽሐፍ ውስጥ ያሉት ማብራሪያዎች ኢታማር እና ጥንቸሉ እንዴት አንዳቸው ሌላቸውን እንደሚያስቡ እና እንዴት እንደሚመስሉ ያሳያሉ። እርስዎ ለመፈተሽ እና ለማወዳደር ይፈልጉ ይሆናል፦ ጭራቆች ከእውነተኛው ልጅ እና ጥንቸል ጋር ይመሳሰላሉ? ኢታማር እና ጥንቸሉ ባሰቡት ጭራቆች መካከል ተመሳሳይነት አለ ወይ?
እናንተም፣ ወላጆች፣ በወጣትነታችሁ ጊዜ ፈርታችሁ ነበር ወይ? ምን ፈርታችሁ እንደነበር እና ከፍርሃታችሁ ጋር እንዴት እንደተጋፈጣችሁ ለልጆቻችሁ መንገር ትችላላችሁ። እንዲሁም ልጆቻችሁ የሚያስፈሯቸውን ነገር ሲነግሩዋችሁ ማዳመጥ ትችላላችሁ፣ እና አብራችሁ ፍርሃትን ማሸነፍ የምትችሉባቸውን መንገዶች አስቡ።
አስፈሪ ጭራቅ ምን ይመስላል? እንዴት አንዳችንን መሳል እና ከዚያ ለመገመት መሞከር፦ የጭራቁ ስም ማን ይባላል? ጓደኞቹ እነማን ናቸው? ምን ማድረግ ያስደስተዋል፣ እና ምን ይፈራል? አሁን ጭራቁን ስላወቃችሁ፣ አሁንም እንደበፊቱ አስፈሪ እንደሆነ ራሳችሁን መጠየቃችሁ ጠቃሚ ሊሆን ይችላል።
“ጂማላያ ጂም! ዙዙ ቡዙ ያም ፓም ፑዙ!” በዚህ መጽሐፍ ውስጥ ያሉት እያንዳንዱ ገፀ-ባህሪያት አስፈሪ ነገር ሲከሰት የሚጠቀሙበት አስማታዊ ቃል አላቸው። የአስማት ቃልህ ምንድን ነው? የቤተሰብ አስማት ቃልን ባንድነት ለመምረጥ እንኳን ደህና መጣችሁ፣ እናም እሱን መጠቀም ተገቢ የሚሆንበትን ጊዜ ያስቡ።
Pinterest – ጥበቦች እና እደ-ጥበቦች እና ሌሎች ተግባራት በ PJLibrary Pinterest ላይ ከ Itamar Meets a Rabbit ገፅ ላይ ይገኛሉ
በእያንዳንዱ ገጽ መጨረሻ ላይ ክፍት ጥያቄ ወይም ዓረፍተ ነገር የሚተዉ መጽሐፍት አሉ። ስለሆነም ወጣት አንባቢዎች እንዲሳቡ፣ እንዲሳተፉና በሚቀጥለው ገጽ ምን እንደሚጠብቃቸው እንዲገምቱ እድል ይሰጣቸዋል። በማንበብ ጊዜ በገጾቹ መካከል ለአፍታ ቆም ይበሉ፣ ይገምቱ ወይም በሚቀጥለው ገጽ ላይ ምን እንደሚጠብቃቸው አንድ ላይ ያግኙ።
ታሪኩን ተከትለን አብረን ማሰብ እንችላለን – በየሳምንቱ ዓርብ ዓርብ ምን ያደርጋሉ? እንዲሁም መደበኛ አዘገጃጀቶች፣ ዝግጅቶች ወይም የቤተሰብ ሥርዓቶች አሉዎት? በተለይ ምን ማድረግ ይወዳሉ? ለሠንበት መቃረቢያ ሽር ጉድ ስላሉ ወይም ስለተደሰቱ ሠንበት የበለጠ አስደሳችና ደስ የሚል እንደሆነ ተሰምቶዎት ያውቃል?
የአቭነር ካጽ ክላሲክ ሥዕላዊ መግለጫዎች የዮዮ ብዙ ሥራዎችን ያሳያሉ። አንዳንድ ጊዜ አንድ ትልቅ ሐብሐብ ይሸከማል። አንዳንድ ጊዜ በብስክሌት ይጋልባል። አንዳንዴም መታጠቢያ ገንዳ ውስጥ ይታጠባል። የአካላዊ እንቅስቃሴ ጨዋታ መጫወት ይችላሉ – እያንዳንዱ የቤተሰብ አባል በተራው የመጽሐፉን በዘፈቀደ ይከፍትና በምስሉ ላይ የተገለጸውን በእንቅስቃሴ ያሳያል – ሌሎች የቤተሰብ አባላት ስለ እርሱ አሁን ምን እንዳለ መገመት አለባቸው።
የቲማቲም ጭማቂ? የብርቱካን ማርማላታ? ምናልባት የተጠበሰ ፓንኬክ? በታሪኩ ውስጥ ከሚታዩ የተለያዩ ምግቦችና መጠጦች ውስጥ የመጽሐፉን ገፆች ማገላበጥ፣ መምረጥና ማዘጋጀት ይችላሉ። ከዝግጅቱ በኋላ ማረጋገጥ የሚችሉት – ፓን ኬኩን ለመሥራት ስንት ድንች ተጠቅመዋል? ማርማላታውንስ ለማዘጋጀት ስንት ብርቱካን?
ታሪኩን ስንት ጊዜ አንብበዋል? የሚያስታውሱትን ለመፈተሽ ጊዜው አሁን ነው! ወንድና ሴት ልጆች አንድን መጽሐፍ ደጋግመው ማንበብ ያስደስታቸዋል። በሚያስታውሱበት ጊዜም በራሳቸው እንዴት እንደሚናገሩ ሲያውቁ በደህንነትና በእርካታ ስሜት ይሞላሉ። ልጆቹን ማስታወስን እንዲያሟሉ የሚያቀርቡላቸው – ስንት ቲማቲሞች? ስንት ብሩሽ? የማስታወስ ችሎታዎን እንዲፈትሹና ስለ ታሪኩ ዝርዝሮች እንዲጠይቁ ይጠቁሟቸው።
ተጨማሪ ስራዎች፣ ዘፈኖችና እንቅስቃሴዎች በፒጃማ ቤተ መፃህፍት ፒንተረስት ላይ።
ወንድና ሴት ልጆች የምናብ ጨዋታዎችን መጫወት ይወዳሉ። አዋቂ መስሎ መኪና ለ”መንዳት” መሞከር፣ ከጭቃ “ኬክ” መስራትና ከምናባዊ ጓደኛቸው ጋር መጫወት ያስደስታቸዋል። እንደ አሻንጉሊት፣ ድስት ወይም የመጫዎቻ መኪና ባሉ ነገሮች ዙሪያ ከልጆች ጋር አብሮ መጫወትና መጠየቅ ይቻላል – ወደየት እየሄድን ነው? አብረን ምን እናብስል? አሻንጉሊቱ ምን ይላል?
ነጸብራቅ መስራት ይፈልጋሉ? በኩሬው ውስጥ እንደሚያዩት? – የኪው አር ኮዱን ስካን በማድረግ ለቀላል ፈጠራ መነሳሻን ማግኘት ይችላሉ።
ሮን በኩሬው ውስጥ አንድ ምስል ተመለከተ፤ ነገር ግን በእውነቱ በውሃው ውስጥ የሚንፀባረቀው የራሱ ምስል ነው። የ”መስታወት” ጨዋታን መጫወት ይችላሉ። ሁለት የቤተሰብ አባላት እርስ በእርሳቸው ፊት ለፊት ይቆማሉ፦ በተራው መሰረት አንዱ “የፊት ቅርጽ” እየሰራ ጭንቅላቱን ወይም እግሩን ያንቀሳቅሳል፤ ሌላኛው ደግሞ እርሱን ለመምሰል ይሞክራል።
ከውጪ በኩል ኩሬዎች አሉ? – ቡትስ ጫማዎችን በማድረግ በደንብ ለብሶ ወደ ውጪ መውጣትና በኩሬ ውስጥ መዝለል ይችላሉ። መውጣት ተገቢ ካልሆነስ? – ከገመድ ወይም ከወረቀት “ኩሬ” መስራትና የፈለጉትን ያህል ወደ ውስጥና ወደ ውጪ መዝለል ይችላሉ…
פינטרסט
יש להזין את הקוד שנשלח כדי להיכנס
להאזנה לחצו
የከዋክብቱ ዛፍ 
አየሌት ጉዞ እያደረገች ነው 
ዛፎቹ ምን ያደርጋሉ 
ዓናት በተለየ የምትወደው ታሪክ 
አንድ የፈካ ጠዋት 
ትንሽ ልጅ ወደ መዋእለ ሕጻናት ሄደ 
እኔና ሁሉም ዓይነት እንስሳት 
የሜዳ አህያዋ ፒጃማ የምትለብሰው ለምንድን ነው 
የድብብቆሽ ጨዋታ 
ጥንቸል በባቡር ላይ ተቀምጣለች 
ቀበሮው ሰላምን ያበስራል 
መሳል እወዳለሁ 
አጎቴ ሲምሓ 
ስሜ ዮዮ ይባላል 
ስለ ድንክዬዎች፣ እንጉዳዮችና ሌሎችም መጽሐፍ 
እኔ መፈለግ እወዳለሁ 
ኤሊክ ቤሊክ 
አጋዘኖቹ ምንያደርጋሉ? 
ኢታማር ከጥንቸል ጋር ተገናኘ 
የዮ-ዮ እለተ ዓርብ 
ምስል 
קְרִיאָה
שִׂיחָה
יְצִירָה
חֵקֶר
שֵׁמַע
הַשְׁרָאָה
מִשְׂחָק
כְּלָלִי
שִׁלּוּב הַסֵּפֶר
הַעֲשָׁרָה
סִרְטוֹנִים
קִשּׁוּר
לָצֵאת הַחוּצָה
הַמְחָשָׁה
בִּשּׁוּל
