קבלת השונה

ለቤተሰባዊ ንባብ የሚሆን ጠቃሚ ምክር

• שִׁיתּוּף
  • 
  • 
  • 
  • 

ይህ አንድ ማየት የተሳነው ወይም ዓይነ ስውር ወንድም ስላለበት አንድ ልዩ ቤተሰብ የሚገልጽ ልዩ መጽሐፍ ነው። ተራኪው ወንድም በቤተሰቡ ውስጥ ያሉትን ችግሮችና በቤት ውስጥ የሚፈለግበትን ውስንነት ጠንቅቆ እያወቀ ነገርግን ዓለምን በአዎንታዊ መልኩ ይመለከታል። ንባቡንና ውይይቱን ከመጽሐፉ ልዩ ይዘት ጋር ለማስተካከል ለእናንተ ወላጆች ከጋራ ንባቡ በፊት መጽሐፉን እንድታነቡ እንመክራለን።

ውይይት

• שִׁיתּוּף
  • 
  • 
  • 
  • 

በታሪኩ ውስጥ ያለው ልጅ እድለኛ ነው ብላችሁ ታስባላችሁ? ለምን? በምን እድለኛ ናችሁ? ወላጆችና ልጆች እርስ በርሳችሁ እንደ ቤተሰብ አብረው በሕይወታችሁ ውስጥ ያሉትን መልካም ነገሮች በተመለከተ ማካፈል ትችላላችሁ። በሳምንት አንድ ጊዜ የቤተሰቡ አባላት ባለፈው ሳምንት ያጋጠሟቸውን አወንታዊ ነገሮች የሚያካፍሉበት መደበኛ ሥርዓት መፍጠር ትችላላችሁ።

ምን ታያላችሁ...?

• שִׁיתּוּף
  • 
  • 
  • 
  • 

ዓይነ ስውራን ልጆች ሕይወትን እንዴት ይለማመዳሉ? ኮዱን በማድረግ ከዓይነ ስውራን ልጆች ጋር “ለጥያቄው ይቅርታ” የሚለውን ክፍል ማየት ትችላላችሁ። ከቪዲዮው በኋላ መወያየት ጠቃሚ ነው፦ ሕይወታችን እንዴት ተመሳሳይ ነው እንዲሁም በቪዲዮው ውስጥ ካሉት ልጆች እንዴት ይለያሉ?

ድጋሜ በማንበብ ምን እናውቃለን?

• שִׁיתּוּף
  • 
  • 
  • 
  • 

በሁለተኛው ንባብ አዳዲስና አስገራሚ ነገሮችን ማግኘት ይቻላል። ምስሎችን በመመልከትና የሃጋይን የእይታ እክል ፍንጭ በመፈለግ መጽሐፉን ሁለት ጊዜ ማንበብ ተገቢ ነው፦ ቃላቱና ምስሎቹ ስለቤተሰብ ፈተና ምን ፍንጭ ይሰጣሉ? በመጀመሪያው ንባብ ይህን አስተውላችኋል?

ምናባዊ ጨዋታ

• שִׁיתּוּף
  • 
  • 
  • 
  • 

ሃጋይ ምናባዊ ታሪኮችን እንዴት እንደሚናገር ያውቃል። እናንተም ሞክሩት! ሁለት እቃዎችን በመምረጥ ምናባዊ ታሪክን ለመተረክ ልትጠቀሙባቸው ትችላላችሁ -ብሩሽና ምንጣፍ፣ ጠርሙስና የድመት አሻንጉሊት፣ ኮፍያና መስኮት – እናንተ በጋራ ባሰባሰባችሁት ምናባዊ ታሪክ ውስጥ ምን ሊደርስባቸው ይችላል?

ፒንተረስት

• שִׁיתּוּף
  • 
  • 
  • 
  • 

ተጨማሪ ስራዎችና እንቅስቃሴዎች በፒጃማ ቤተ መጻሕፍት ፒንተረስት ላይ

ለቤተሰባዊ ንባብ የሚበጅ ምክር

• שִׁיתּוּף
  • 
  • 
  • 
  • 

አንድ መጽሐፍ ለአንድ ልዩ ዝግጅት ለመዘጋጀት ወይም ካለፈ ክስተት ላይ ትውስታዎችን ለመሰብሰብ ይረዳል። የበዓል ሰሞን ለምሳሌ ከበዓል ጋር የተያያዘ መጽሐፍ መምረጥና መወያየት ይችላሉ፦ በበዓል ቀን ምን ምን ዝግጅቶች ለእርስዎ ታቅደዋል? ሲቃረብስ ወላጆችና ልጆች አብረው እንዴት ማዘጋጀት ይችላሉ? ለፑሪም ዝግጅት አንድ ላይ ልብስን መላበስ ወይም ምግቦችን መላክ ይችላሉ። ከበዓል በኋላም መጽሐፉን እንደገና ማንበብና በእርሱ በመታገዝ አብረው ያጋጠሟችሁን መልካም ጊዜያት ያስታውሱ።

የመላበሶች ጨዋታ

• שִׁיתּוּף
  • 
  • 
  • 
  • 

በቤቱ ዙሪያ በመዞር የሆነን ነገር ምረጡ፦ ማንኪያ፣ የአበባ ማስቀመጫ፣ ኳስ ወይም … ምንጣፍ። እያንዳንዱ የተመረጠውን ዕቃ የሚያካትት መላበስ ይገልፃል፦ ምንጣፍ የምንጣፍ ሻጭ ሴት ልብስ አካል ሊሆን ይችላል? ወይስ ምናልባት እርሱ የሚበር ምንጣፍ ሊሆን ይችላል? ኳሱ የአንድ ስፖርተኛ ልብስ አካል ሊሆን ይችላል? ወይስ ምናልባት የቀልደኛ አፍንጫ?

መላበሶች በምስሎች

• שִׁיתּוּף
  • 
  • 
  • 
  • 

“በመጽሐፉ ውስጥ የጠፈር ተመራማሪ አለባበስ የት ላይ ነው ያለው? ንግስት አስቴርን፣ የእሳት አደጋ ተዋጊዎችን፣ ፖሊሶችን ወይም አልበርት አንስታይንን በተመለከተስ? በምስሎቹ ውስጥ ልብሶችን መፈለግ ትችላላችሁ። በተለይ የትኛውን መላበስ ይወዳሉ?

አልበርት አንስታይን ማን ነበር?

አልበርት አንስታይን [1879-1955] የጀርመን ተወላጅ አይሁዳዊ ሳይንቲስት ነበር። እርሱ ባዘጋጀው “”የአንፃራዊነት ፅንሰ-ሀሳብ”” ባደረጋቸው ሌሎች ጥናቶች በመታገዝ በሳይንሱ ዓለምና በተፈጥሮ፣ በጊዜ ብሎም በዩኒቨርስ ህጎች ግንዛቤ ላይ ከፍተኛ ተጽዕኖ አሳድሯል። አንስታይን በቀልድና ምናብ ተሰጥኦ የተካነ ነበር። ለሰላምና ለወንድማማችነት የሰራ ሲሆን ከመላው ዓለም ካሉ ልጆች ጋር መጻጻፍ ይወድ ነበር። አንስታይን በኢየሩሳሌምና በእስራኤል ግዛት ስር የዕብራይስጥ ዩኒቨርስቲ እንዲቋቋም ድጋፍ አድርጓል።”

ፒንተረስት

• שִׁיתּוּף
  • 
  • 
  • 
  • 

ተጨማሪ ስራዎችን፣ መዝሙሮችንና እንቅስቃሴዎችን በፒጃማ ቤተ መጻሕፍት ፒንተረስት ላይ

መላበሶችና ፑሪም

• שִׁיתּוּף
  • 
  • 
  • 
  • 

መጽሐፉ የፑሪም በዓል ትውስታዎችን ለማካፈል እድል ይፈጥራል፦ መላበስ ትፈልጋላችሁ? የምትላበሱትስ በፑሪም ብቻ ነው? እናንተ ወላጆች በልጅነታችሁ ጊዜ ልብስ መላበስ ትወዱ ነበር? የትኛውን መላበስ በደንብ ታስታውሳላችሁ? – ማን መልበስ እንደሚወድና ማን እንደማይወድ መስማትና ያለፉትን ፎቶዎች በመመልከት የፑሪም ልዩ ጊዜዎችን ማስታወስ ትችላላችሁ።

እያንዳንዳችን በሆነ ነገር እንለያለን። የQR ኮዱን ስካን በማድረግ ኦፕኒክና ከጓደኞቹ "ልዩ" ስለሚለው ቃል የሚነጋገሩትን ታገኛላችሁ።

• שִׁיתּוּף
  • 
  • 
  • 
  • 

እያንዳንዳችን በሆነ ነገር እንለያለን። የQR ኮዱን ስካን በማድረግ ኦፕኒክና ከጓደኞቹ “ልዩ” ስለሚለው ቃል የሚነጋገሩትን ታገኛላችሁ።

የቤተሰባዊ ንባብ ምክር

• שִׁיתּוּף
  • 
  • 
  • 
  • 

በእያንዳንዱ መጽሐፍ ውስጥ የሚወደድ ነገር አለ፦ በታሪኩ ውስጥ ያለው ውጥረት፣ ገፀ ባህሪያቱና ምናልባትም ምስሎች ወይስ ልዩ ቃላቱ? በንባቡ መጨረሻ ላይ ልጆች ስለ ታሪኩ የወደዱትን መጠየቅና እናንተው ወላጆችም የወደዳችሁትን አካፍሉ። በተለይ የትኞቹን መጽሃፎች እንደምትወዱና ለምን እንደሆነ እርስ በርሳችሁ መተረክ ትችላላችሁ።

እኛና ጓደኞች

• שִׁיתּוּף
  • 
  • 
  • 
  • 

ፊትዝና እንጉዳዩ አንድ ላይ ናቸው። እርሷ አትክልቶቹን ታበቅላለች፤ እርሱ ይንከባከባል። እስከዚያው ድረስ ይጨዋወታሉ፤ ይዘምራሉ፤ እንዲሁ አብረው ይዝናናሉ። ልጆችን ከጓደኞቻቸው ጋር ምን ማድረግ እንደሚወዱ መነጋገርና መጠየቅ እንችላለን። አብረው ጊዜ የሚያሳልፉት እንዴት ነው? ይህ ለወላጆች የልጅነት ጓደኞቻችሁን የማስታወስና ልምዶችን ከልጆችዎ ጋር ለመካፈል እድል ነው።

አትክልቶችና ምስሎች

• שִׁיתּוּף
  • 
  • 
  • 
  • 

ጥቅል ጎመን? ብሮኮሊ? – በመጽሐፉ ውስጥ አሥራ ሦስት ዓይነት ለምግብነት የሚውሉ አትክልቶች ይገኛሉ፦ ልታገኟቸው ትችላላችሁ? ምናልባትም የሚወዱትን አትክልት መመገብ ወይም አዲስ አትክልቶችን መሞከርና መቅመስ ይፈልጋሉ?

አትክልቶችን ማሳደግ

• שִׁיתּוּף
  • 
  • 
  • 
  • 

ምንም እንኳን መሬት ባይኖራችሁም አትክልቶችን ማምረት ትችላላችሁ፦ የተቆረጠ የካሮት ራስ፣ የነጭ ሽንኩርት ወይም የሰላጣ ወይም የካርፓስ የታችኛው ክፍል ግልፅ አድርጎ በሚያሳይ መያዣ ውስጥ ውሃ ማጠጣት ይቻላል። በትዕግስት ይጠብቁ፤ አስፈላጊ ከሆነ ውሃ በመጨመር ቀስ በቀስ ሥሮችና ቅጠሎች እያደጉ ያገኙታል። መከርከምና መብላት ወይም በማሰሮ ውስጥ መትከል፣ ውሃ ማጠጣትና አዲሶቹን አትክልቶች እስኪያድጉ ድረስ መጠበቅ ይችላሉ።

ፒንተረስት

• שִׁיתּוּף
  • 
  • 
  • 
  • 

ተጨማሪ ስራዎች፣ መዝሙሮችና እንቅስቃሴዎች በፒጃማ ቤተ መጻህፍት ፒንተረስት ላይ

ቪድዮ

• שִׁיתּוּף
  • 
  • 
  • 
  • 

እንጉዳይ አንተ ራስህ ማን ነህ? – ኮዱን ስካን በማድረግ በእስራኤል ውስጥ በየክረምቱ እንደ አዲስ ከሚታዩት እንጉዳዮች ጋር ያስተዋውቃል። የበለጠ መማር ይፈልጋሉ? አብረው ወደ ቤተ መፃህፍት በመሄድ ወይም በኢንተርኔት በማሰስ ስለ እንጉዳዩና ሌሎች እንጉዳዮች መረጃ ይፈልጉ።